05/04/2019

حکومەتی هەرێم چوار بڕیاری نوێ ی راگەیاند

برادۆست میدیا ـ ئابووری
بەبڕیارێکی سەرۆکی ئەنجومەنی وەزیرانی هەرێمی کوردستان، دەوامی فەرمانبەران ئاسایی دەکرێتەوە و ئەو فەرمانبەرانەش کە دەوام ناکەن، فەسڵ دەکرێن.
بەگوێرەی نوسراوێكی ئەنجومەنی وەزیرانی هەرێم کە کۆپیەکی بەدەست “برادۆست میدیا” کەوتووە، بەژمارە (۱۷۷٤ لە ۳۱ی ۳ی ۲۰۱۹) كە واژۆی نێچیرڤان بارزانی لەسەرە، هاتووە،” بە لەبەر چاوگرتنی باشبوونی دۆخی دارایی هەرێم و نەمانی سیستمی پاشەكەوت و بەرژەوەندی گشتیی و ڕاییكردنی كاروباری هاوڵاتیان، پێویستە سەرجەم وەزارەت و دامودەزگاكانی حكومەت ڕێكاری پێویست بگرنەبەر بۆ پابەندكردنی فەرمانبەرانیان بەدەوامی فەرمییەوە بەپێی كاتەكانی دیاریكراوو ڕۆژەكانی دەوام بەو شێوەیەی كە یاسا دیاریكردووە”.
هەر بەگوێرەی نوسراوەكە، ئەنجومەنی وەزیران چوار بڕیاری دەركردووە، ئەوانیش:
یەکەم: توندوتۆڵكردنی ڕێكارەكانی تایبەت بەمۆڵەتی فەرمانبەران.
دووەم: گرتنەبەری ڕێكاری یاسایی و كارگێڕی بەرامبەر ئەو فەرمانبەرانەی پابەند نابن بەدەوامی فەرمیەوە.
سێیەم: پابەندبوونی تەواو بەبڕیاری ژمارە ۱ی ساڵی ۲۰۰۲ی پەرلەمان بەوەی، هەر فەرمانبەرێك بەبێ هەبوونی پاساوی ڕەوا بۆماوەی ۳۰ ڕۆژ لەكاردابڕا دەبێت فەرمانی لەكارلادانی بۆ دەربكرێت.
چوارەم: هەر وەزارەت و دامودەزگایەك ناو و ژمارەی سەرجەم ئەو فەرمانبەرانەی كە زیادن لەمیلاكیان ئامادەبكەن، لەگەڵ جیاكردنەوەی ناو و ژمارەی سەرجەم ئەو فەرمانبەرانەی كە تەنها موچە وەردەگرن و هیچ شوێن و ئەركێكیان نییە بەهیچ شێوەیەك دەوام ناكەن و بۆ ئەم سەرۆكایەتیەی بنێرن.
بڕیاری حکومەتی هەرێم لەکاتێکدایە، لەمانگی رابردوو بڕیاری نەمانی پاشەکتی مووچەی فهرمانبەرانی هەرێم لەلایەن بەڕێز نێچیرڤانی دەرکرا.
كۆمێنتی خۆت جێبێلە

هەواڵی تر

نرخی نەوت لە جیهاندا بەرزبووەوە

برادۆست میدیا ـ ئابووری نرخی نەوتی خاو لە بازاڕەكانی جیهاندا بەرزبووەوە، ئێستا هەر بەرمیلێ…