05/09/2019

وەزارەتی په‌روه‌رده‌: بەرپرس نین له هەر هەواڵێک که دروست نەبێت

برادۆست لایف ستایل ـ پەروەردەیی

نوسینگه‌ی وه‌زیری په‌روه‌رده‌ى حكومه‌تی هه‌رێمی كوردستان لە رونکردنەوەیەکدا رایگەیاندوە، پێویسته‌ میدیاكان بۆ هه‌ر بابه‌تێك كه‌ په‌یوه‌ندی به‌ پڕۆسه‌ی په‌روه‌رده‌وه‌ هه‌بێت، زانیارییه‌كان به‌ درووستی له‌ وه‌زیر یان وته‌بێژی فه‌رمی وه‌زاره‌ت وه‌ربگرن.

ئاماژەی بەوەشکردوە، دوای بڵاوكردنه‌وه‌ی “هه‌واڵێكی ناڕاست” هاتوه‌ له‌لایه‌ن چه‌ند میدیایه‌كه‌وه‌، كه‌ باس له‌ جیاكردنه‌وه‌ی قوتابیانی كوڕ و كچ ده‌كات له‌ قوتابخانه‌كان، وێڕای ره‌تكردنه‌وه‌ی هه‌واڵه‌كه‌، له‌ رونكردنه‌وه‌كه‌دا ئاماژه‌ به‌ گرتنه‌به‌ری رێكاری یاسایی ده‌كات.

لە رونکردنەوەکەی نوسینگه‌ی وه‌زیری په‌روه‌رده‌دا هاتوە، بەشی کاروباری یاسایی له وەزارەت رادەسپێردرێت که داوای یاسایی تۆمار بکەن دەرهەق بە هەر دامەزراوەیەکی میدیایی کە هەوڵی به لاڕێدابردن بدات و نابەرپرسانه مامەڵه لەگەڵ پڕۆسەی پەروەردەی هەرێمی کوردستان بکات.

كۆمێنتی خۆت جێبێلە

هەواڵی تر

مامۆستایانی ناڕازی هەڕەشەی بایکۆتی پڕۆسەی ساڵی نوێی خوێندن دەکەن

لەگەڵ نزیکبونەوەی دەستپێکی وەرزی نوێی خوێندن لە هەرێمی کوردستان مامۆستایانی ناڕازی هۆشداری…