06/03/2020

ئەم هەیینیە جیاوازە چێژی وەک هەیینەکانی پێشوو نیە!

سەردار حمەدەمین عەبدولا

برادۆست میدیا- هەولێر

کورد بە پاراستنی کەلتورو رەسانایەتی خۆی هەمیشە ئایین و مەراسیمە ئاینیەکانی خۆی بەجێ گەیاندوە کەلتورە کورداوەریەکەشی پاراستوە، ئەزانن کە هەینی دێت دەنگی قورئان لە بڵندگۆی مزگەوتەکان چ تام و چێژی خۆی هەیە.

کۆبونەوەی موسڵمانان لە مزگەوت و پێدانی کۆمەڵی رێنمایی و ئامۆژگاری فەرمودەو قورئان لە لای مامۆستایانی ئایینی، تایبەت بە پرسی ئایینی و نەتەوەیی و کۆمەڵایەتی بۆخۆی سوودگەلێکی زۆری هەبوە…

پاشان خوشک، برا ،خاڵ ،مام ،هەر یەکەو سەردانی ئەوی تردەکات،خۆیان کۆ دەکەنەوەو ئامادەکاری دەکەن…

مناڵ شوشتن و ماڵ رێک خستن و دەیانکاری تری نێو ماڵ و دەرەوە ،لە رۆژانی هەینی جگە لە رۆژانی تر تایبەت مەندی خۆی هەیە…

 پاشان کە خزم و کەس لێک کۆ دەبنەوە دەچنە میوانی دەڵین با بچین نوێژی جومعەو دێینەوە بۆ نان خواردن حازرە…

داوای هەر ووتاێکی هەینی کە خوتبەکۆتایی دێت ئینجا کوردەوارانە سڵاو ،ماچ و دەست لە ملان و ،هەواڵ پرسین،دەست پێ دەکا..

دواترفەرموو لێک دەکەن و دەڵێن ،وەرە میوان بە خزم ،برا، فلان توخوا وەرە (شیو )کراوە ئەورۆ منەتی تێدانیە تکلیفێکی مەردانەی کوردەوارییە ،

لە هەمووی خۆشتر کۆبوونەوەی فراوانی خێزانە لە هەندێ هەینیدا لە ماڵی (دایە گەورە) ئەمەش بۆتە نەریتێکی باوو خۆشی خۆی هەیە..

خۆ راستی بڵێن جگە لە رۆژانی هەینی و رۆژانی پرسەو (تعزیە) خزم دۆست بە ساڵ یەکتر نابینن..

هەموو ئەوانەی باسم کرد تایبەت مەندی خۆی هەیە بە نسبەت زۆربەی تاک تاکی کورد ،کارم بەوە نیەکە کەسێک بۆخۆی نایەتە خوتبە و نوێژی هەینی خۆی پێوە نەگرتوە،یا ئایینی جیاوازە رێزم بۆی هەیە..

بەڵام دوای چەندان ساڵ لە و مەراسیمە جوانە بۆ یەکەم جار رادەگیریت رەنگبێ کۆمەڵی تایبەت بەتمەندی و چێژ هەبێ هەستی پێ نەکەی…!

 باوەر بکەن من وای دەبینم هەندی تایبەت مەندی رۆژانی هەینی ،هەر تەنها پەیوەست نیە بەوەی دەوام نیەو پشوە بەڵکو خودی مەراسیمە ئایینی و کۆبۆنەوەکان چێژی زیاتری داوە بەو رۆژە پیرۆزە..

دواتر هەموو ئەوانی باسم کرد تایبەت مەندی و خۆشی سودی رۆژانی هەینی بوون،

بەڵام دواجار راگرتنی خوتبەو جماعات بۆ پاراستنی ژیانی تاک ،لە سەروی هەموو شتێکەوەیە..

خوای گەورە ووڵاتمان بپارێزی هەموو لایەک تەندروست بن.

كۆمێنتی خۆت جێبێلە

هەواڵی تر

فۆتۆگرافەرێکی کورد لە ئەلمانیا کارێکی ناوازە ئەنجام دەدا

برادۆست میدیا ڕەوەند جەواد فۆتۆگرافەر خەڵکی هەولێرە ماوەی پێنج ساڵە لە وڵاتی ئەڵمانیایە سە…