03/01/2019

یێ نە شەوتی نزانە ژانا وێ چەندە

هندەک ژان هەنە هەتا سەربور نەکی نزانی چەوایە، وەکە مرنا دایک و باب و زارۆکان و ژانێن لاشی وەکە زارۆکبوون و شەوتینێ.
من مرنا بابێ خوە دیت و من زارۆکەک ئانی دنێ، و من شەوتینا بەشەکێ لاشێ خوەژی دی، چەند ساڵ دەربازبوون,نکارم نە وەک خوە بەحسا وان بکەم و نە ژبیرا بکەم، چونکە هەتا نەبینی نزانی چەوایە.
هەر دەمەکا کەسەک د شەوتە یان د شەوتینن سەرەپێهاتییا من تێ بیرا من زەحمەتەکە نایێ گوتن.
ئەی مروڤ هزر بکن مەژیێ خوە بدن کار، ئەگەر مەژیێ خوە ژی ب کار نەین دلەک هەیە هندەک هەست و سوزا خوە نیشا مە دکە و لاشی مە سست دکە مە دویر دکە ژ وەحسی یەتێ، لی دەما نە دل و نە مەژی کار بکن دڕندەترین هەبویێ سەر دونیایێ مروڤەو دچەند رۆژێن بهوری دە ئەڤ چەند هات دیتن. دەما هزر ل بویەرا سێوانێ و زارۆکێن وێ دا دکم نکارم چ بنڤیسم، ئاخر هون تێناگەهن دەما ئاگر لبەر چاڤێن تە بەردبە زارۆکێن تە ونکاری ڤەمرینی چەند یا ب ژانە. ژبیرنەکەن و بزانن ، ئەڤ گوریکرنە ب تنێ نەفامی و پاشکەفتن و تیتاڵێن بێ ڕامان یێن جڤاکێ مە سەدەمن، تاوانبارێ ژ هەمیا مەزنتر ئەڤ جڤاکەیە یێ کویەکەم کار ڕەگەزێ نێر و مێ ل هەڤ تێکنەگەهاندینە و کرینە دوژمن و دڤێن ب هەڤڕەژی بژین، ڤیجا بلا بەحسا بەڕەڤانیکار و ڕێکخراو و چالاکڤانێن جڤاکی و ژنان و زارۆکان نەکەم چونکە بەرهەمێ چەندین ساڵێن خەباتا وان ئەڤەیە. ڕاگەهاندن سوشیال میدیا ج بو هەوە نایێ گوتن.  بەسە ئەی جڤاک ئەی مللەت بەسە هشیاربن ژ خەو ڕابن ، ئەم هێدی هێدی یی دمرن ژ ناڤ دچن بێ کو ب خوە بحەسیێن، کوشتن و خوە کوشتن و سڤککرن و بێ هەستی بێڕێزی لهەمبەرهەڤ ڕاوەستینن. چ زڤڕۆکە هوین دناڤ دا دەرکەڤن بوچی وسا د بێهێز و بێ دەستهەلاتن لهەمبەر کاروبیرێن خوە یێن دڕندانە و پیس پویچ.
ئالیێن پەیوەندیدار ئاخفتنێن مەزن بلا ددەڤێن هەوەدابن مە کریارێن دادپەروەرانە دڤێن لهەمبەر پیسییا نەفام ونەزانان، زمان و گوتنێن بی ئاست بلا نەبە ڕێکا ڕاست، مەژی و هەست ل کیڤە مانە، سڤککرن و جانفیداییا ژنان هەتا کەنگی؟ شکاندن و ژناڤبرنا زارۆکان هەتا کەنگی؟
دەستهەڵات دێ کەنگی پێشکەفتن و هشیارکرنا جڤاکی هێتە بیرا تە؟
ڤێ ڕەوشێ نەکەنە خالا خوە دەرخستنێ لسەر مافێ تاکێ خوە وەرنە دەنگ ، لسەر غەدر و ئەژدیهایێ وەرنە دەنگ، باوەریێ بو خەلکی ب زڤرینن، بێهیڤی بوونێ ڕاوەستینن داکو هوین و جڤاک ب هەڤرە ژناڤ نەچن، تۆڤێ باشی و راستی و دادپەروەریێ بچینن ئەڤە گەلێ هەوەیە ڕینیشاندەرێن حەکیم و ساخ بن.

كاژین حەسەن

كۆمێنتی خۆت جێبێلە

هەواڵی تر

ئازادی ڕادەربڕین

یەکێک لە هۆکارەکانی فراوانبوونی ئازادی ڕادەربڕیـن بریتی بوو لە شۆڕشی تەکنەلۆژیاو زانیاری ل…