10/01/2020

ئێران دواجار ملکەچی تیمی ئەمریکی بوو

لوقمان غەفوور

برادۆست میدیا ـ ووتار

سەرلەبەیانی ئەمڕۆ ١٠ جێنیوەری بەکاتی تاران، ئێران ناچاربوو کە بۆ کردنەوە کۆدی نھێنی سندوقی ڕەشی فرۆکە تێکشکاوە ئۆکرانییەکە، تیمی پسپۆری ئەمریکا بانگھێشت بکات.
ئۆكرانیا
بەپێی ھەواڵێکی وۆڵ ستریت جۆرنال ئێران و پسپۆرانی ئۆكرانیا -یش نەیانتوانیوە ئەمڕۆ ١٠ جێنیوەری کۆدی نھێنی سندوقی ڕەشی فرۆکە تێکشکاوەکەی کە ئێران بە مووشەک خستویەتییە خوارەوە بکەنەوە، بۆیە دواجار پەنایان بردە بەر پسپۆرانی ئەمریکی و بانگھێشت کراون بۆ کردنەوەی.

دوێنێ ٩ ی جێنیوەری مایكل هۆیرتا به‌رێوه‌به‌ری پێشووی فرۆكه‌وانی فیدرالی بۆ واشنگتۆن پۆست وتی:”له‌بواری فرۆكه‌وانی جیهانیدا، توانی ته‌كنیكی پسپۆرانی فرۆكه‌وانی ئەمریکا به‌هێزه‌”.

باسی له‌وه‌شكرد تێكڕای ئه‌و رووداوانه‌ی كه‌ رویانداوه‌ له‌ جیهاندا له‌ رابردوودا ئه‌مان به‌شێك بوون له‌ لێكۆڵینه‌وه‌ی رووداوه‌كه‌، وتیشی: “به‌ڵام تائێستا په‌یوه‌ندی به‌ ئێمه‌وه‌ نه‌كراوه‌. بابزانین ئێرانییەکان خۆیان چییان چنگده‌كه‌وێت”.

لەدوای ڕووداوەکە عەلی عەبدوڵڵا زادە بەرێوەبەری دەستەی فرۆکەوانی رایانگه‌یاند، كه‌ سندوقی ره‌شی فرۆكه‌كه‌ لای خۆیان پاراستوویانه‌ و ڕادەستی ئەمریکای ناکەن بۆ لێکۆڵینەوە.

له‌كاتێكدا ئێران ئاماده‌نه‌بوو سندووقی ره‌شی فرۆكه‌كه‌ ته‌سلیم به‌ ئه‌مریكا بكات، به‌ڵام له‌دوای فشاره‌كانه‌وه‌، دوێنێ ٩ ی جێنیوەری، عه‌لی عه‌بدوڵڵا زاده‌ به‌ڕێوه‌به‌ری ده‌سته‌ی فرۆكه‌وانی به‌ سی ئێن ئێن-ی راگه‌یاند، پێویستمان به‌ هاوكاری ده‌ره‌كی هه‌یه‌ بۆ كردنه‌وه‌ی كۆدی نهێنی سندوقه‌كه‌ چونكه‌ بۆمان ناكرێته‌وه‌ و تووشی به‌ركه‌وتن بووه‌.

زاده‌ باسی له‌وه‌شكردبوو بۆ سی ئێن ئێن كه‌ تیمێكی پسپۆرانی فرۆكه‌وانی ئۆكرانیا گه‌یشتوونه‌ته‌ ئێران و كۆبوونه‌وه‌یان كردووه‌ و ئەمڕۆ 10ی جێنیوه‌ری هه‌وڵده‌ن كۆدی سندوقی ره‌شی فرۆكه‌كه‌ بكه‌نه‌وه. بەڵام ئەمڕۆ ھەوڵی ئێرانی و ئۆکرانییەکان بێھودە بووە.

ریتشارد كویست، رۆژنامه‌نووس و پسپۆری فرۆكه‌وانی له‌كه‌ناڵی سی ئێن ئێن وتی:”ئێران ده‌بێت له‌وه‌بگات كردنه‌وه‌ی كۆدی نهێنی سندوقی ره‌شی فرۆكه‌ له‌ توانای ئه‌ودا نییه‌، پێویستی به‌ ئه‌زموون و پسپۆرێتییه‌كی به‌رز هه‌یه‌ له‌بواری ته‌كنۆلۆژیا، له‌كاتێكدا زیان به‌ر سندوقه‌كه‌ كه‌وتبێت”.

هه‌ر له‌و چوارچێوه‌یه‌دا به‌رپرسانی هه‌واڵگری ئه‌مریكی و عیراقی سه‌رله‌به‌یانی دوێنێ 9ی جێنیوه‌ری بابه‌تی كه‌وتنه‌خواره‌وه‌ی فرۆكه‌ ئۆكرانییه‌كه‌یان له‌لایه‌ن مووشه‌كی ئێرانییه‌وه‌ ورژاند.

رۆژی 9ی جێنیوه‌ری گۆڤاری نیوزویك راپۆرتێكی بڵاوكرده‌وه‌ كه‌ ئه‌و فرۆكه‌ ئۆكرانییه‌ی رۆژی 8ی جێنیوه‌ری كه‌وته‌خواره‌وه‌ و 178 سه‌رنشینی تێدا گیانی له‌ده‌ستدا به‌هۆی لێدان به‌ مووشه‌كه‌وه‌ بووه‌. به‌پێی راپۆرته‌كه‌ی نیوزویك فرۆكه‌ ئۆكرانییه‌كه‌ به‌هۆی لێدانی مووشه‌كی زه‌مینی (TOR-M1) ی دروستكراوی روسی خراوه‌ته‌ خواره‌وه‌ كه‌ سیستمێكی مووشه‌كی به‌رگری كورت مودایه‌ كه‌ فرۆكه‌ی بێ فرۆكه‌وان و كۆپته‌ر توانی ده‌قاندنی هه‌یه‌ و له‌سیستمی ناتۆدا به‌ (Gauntlet) تۆماركراوه‌.

كۆمێنتی خۆت جێبێلە

هەواڵی تر

ئازادی ڕادەربڕین

یەکێک لە هۆکارەکانی فراوانبوونی ئازادی ڕادەربڕیـن بریتی بوو لە شۆڕشی تەکنەلۆژیاو زانیاری ل…