21/06/2019

پارتە سیاسییەکان هۆکارێکن بۆ پاراستنی ئاسایشی نەتەوەی

هێمن برادۆستی

برادۆست میدیا ـ ووتار

لە دوای سەدەی نۆزدە و شورشی پیشەسازی گۆرانی شێوازی حوکمرانی لە میرنشینایەتی و ئیمپراتۆری بۆ دەولەت و لە چوارچێوەی سنورێکی دیاریکراو بە رێزگرتن لە سەروەری و ئاسایشی دەولەتانی بەرامبەر وای کردووە کە هەموان پێویستیان بەیەکتری بێ بۆ دەستکەوتنی سەرچاوەی مادی و مرۆی.

لە چوارچێوەی سنوری دەوڵەت بە رەچاوکردنی شێوازی حوکمرانی دەوڵەت واتە بە مانای سەردەمی دیموکراسی یاخود دیکتاتوری پارتە سیاسیەکان لە دەوڵەتی دیموکراسی رۆڵێکی بەرچاوی هەیە لە بە دەستهێنانی ئاسایش و ئارامی دەولەت بە پشت بەستن بە کومەڵێک پرەنسیپ لە وانە هەڵبژاردن و شێوازی ئاڵوگۆری دەسەڵات هەروەها متمانەی هاوڵاتیان بە دەسەڵات هوکارێکە بۆ بەرەو پێش چوونی ئاستی بژێوی و ژێرخان و سەرخانی دەوڵەت .

بەرنامەو پروگرامی پارتەکان هوکارێکی دیکەی بە هێزی دەسەڵات و دەوڵەتە لە سەدەی بیستەم و دوای جەنگی دووەمی جیهانی بە تایبەتر لە دوای روخانی یەکێتی سۆڤیەت سەرمایە بوە هۆکارێکی نوێ بەدەست پارتەکان واتە دەبێ خاوەن سەرمایەکی بەهێزبن بۆ گرتنەدەستی دەسەڵات و بەردەام بوونیان۰

هەروەها بونەتە مەڵبەندێک بۆ بەدەست هێنانی داواکاری و بەرژەوەندی گشتی و تایبەت۰

ئاستی رۆشنبیری و زانیاری ئەندامانی حزب هۆکارێکی تری بەرەو پێش چون و بەردەوامی بوونی دەوڵەت و پارێزراوییەتی “سەقامگیری لە داهاتی تاک و کەمی رێژەی بێکاری و پسپۆری لە کارو تێرکردن و بەرجەستەکردنی توانا خۆراکییەکان بۆ هاوڵاتی ئاستی متمانە و رێزگرتنی گەڵ بۆ بەپرەنسیپ و بەهاکانی دەوڵەت و حزب زیاد ئەکات، هەروەها خۆگونجاندن لەگەڵ پێشکەوتنەکانی جیهان لە سەرجەم بوارەکانی ژیان بەتایبەتتر تەکنەلۆژیاو لە نێویشیان تەکنەلوژیا سەربازی وادەکات دەوڵەت پارێزراوبێ لە هەموو مەترسیەکی دەرەکی و ناوخۆی کە رەنگە روبەروی ببێتەوە.

زۆر جار وابووە لە دەوڵەتی بەناو دیموکراسی کە هە ڵبژاردن دەکرێت کە هە ڵبژاردن بناغەی دیموکراسیەتە، ئاڵوگۆری دەسەڵات ناکرێت چونکە پارتی دەسەڵات ناتوانێ بەرگەی گۆڕانکاریەکان بگرێت و دەسەڵات رادەستی لایەنی براوە بکات تە نانەت دامەزراوە فەرمییەکان بە کاردەهێنێ بۆ سەرکوت کردن و بێ دەنگ کردنی لایەنی دژبەر، ئەمەش هۆکارە بۆ دژبەرەکانی کە رێگەو شێوازی تر بەکار بهێنن بۆ گەیشتن بەدەسەڵات نمونە کودەتای سەربازی لەتورکیا لە ۲۰۱٥ نمونەیەکی هەرە دیاری رێگریکردنە لە دەنگی دژبەر لەلایەن دەسەڵاتەوە.

هەروەها لەهەڵبژاردنی شارەوانییەکانی تورکیا پارتی داد و گەشەپێدان سەرۆکایەتی شارەوانی ئەنقەرەو ئیستەنبولی لەدەست دا هەموو رێگاکانی گرتەبەر بۆ دوبارە ئەنجامدانەوەی هەڵبژاردن کە ئەم دوو شارە بناغەو بەهێزی تورکیان لە روی سیاسی و ئابوریەوە ئەم هەوڵەی دەسەڵات ئاسایشی نەتەوەی روبەروی کومەڵێک تەحەدییات کردەوە دابەزینی بەهای دراو و بەرزبوونەوەی رێژەی هەلاوسانی ئابووری۰

هەربۆیە پارتە سیاسییەکان لەهەر کۆمەڵگایەک کە دیموکراسی بێت کاریگەری لەسەر ئاسایشی نەتەوەی و سەروری دەوڵەت و پارێزاوی سنورەکانی و درامەتە مادی و مروییەکانەوە هەیە۰

كۆمێنتی خۆت جێبێلە

هەواڵی تر

ئازادی ڕادەربڕین

یەکێک لە هۆکارەکانی فراوانبوونی ئازادی ڕادەربڕیـن بریتی بوو لە شۆڕشی تەکنەلۆژیاو زانیاری ل…