09/09/2020

بۆ سەرۆکی شارەوانی سلێمانی

هونەر سمایل

بۆ بەرێز توانا کەمال
سەرۆکی شارەوانی سلێمانی
سڵاو رێز :-
تۆ پێشنیارت کرد گۆرستان و قەبرهەڵکەندن لەئەستۆی ئێوەبێت پارەش لە مردوو وەردەگرن بۆ خزمەتگوزاریەکانی کارەباو ئاو باخچەو پاسەوان واتە لەشێوەی شارێکی ستاندارت ئەم گۆڕستانە دروست دەکەن
کارێکی جوانەو من دەست خۆشیتان لێدەکەم
کەوا ئەم هەموو خزمەت گوزاریە پێشکەش بە مردوانی ئەم گۆرستانە مۆدێرنە دەکەن …… هتد
لێرەوە
من داواکاریەکم هەیە بۆ ئێوەی بەرێز
من و هاوسەرو دوو منداڵەکەم
وەکو مردو هەژمار بکەن !
بۆ هەرچوارمان ئەگەر لەیەك ریز بشارنەوە نێوانی هەر مردویەك بەڵای کەمی نیو مەترە گۆرەکەش بەرینی هەشتا سانتی مەترە درێژیش هەریەك دوو مەترە ، لای قاچ و سەرمانیش هەرلاو مەترێكە بۆ خوێندنی فاتیحەو سەردانی کردنی خزم کەس ،
کەواتە بۆ ئێمە کە چوار کەسین .
22.80 بیست و دوو مەترو هەشتا سانتی مەترمان بەردەکەوێت
واتە دەتوانم ژورێکی دوو نیو بەسێ دروست بکەم حەمام و تەوالێت و متبەغێکی بچوکی لەناوی دابێت وەکی ستۆدێو فلات کە بەئینگلیزی پێی دەوترێت
حەوشەکی مەتریش بەرین بە دوو مەترو نیو درێژم دەبێت
جا لێرەوە داواکارم
ئەو داواکاریەم قەبوڵ بکەن من جارێ کەزیندوم دەیکەم بە خانوێکی بچکۆلانە بۆ خۆم و ماڵ و منداڵەکەم
لە کرێیچێتی و بێ خانویش رزگارم دەبێت هەرکاتێکیش یەکێك لە ئێمە مرد لەناو گۆڕستانەکە گۆڕێك دەکرێن
چونکە من ئەگەر 10 ساڵ ئیش بکەم ناتوانم ببم بەخاوەن خانوی خۆم چونکە خانوو لەسەروی 50 هەزار دۆلارە لە گەرەکە عەشایرەکان چجای گەرەکە راقی و مودێرنەکان ! بەڵام لە گۆرستانە پڕ خزمەت گوزاریەکەی ئێوە زۆر هەرزانەو بەهەشتە بۆ ئێمەی هەژار تا زیندوین
نەجاتمان دەبێت لە کرێچیاتی و لەبێ کارەبایی و بێ ئاوی پاسەوانیشمان دەبێت
کەواتە بفەرمون داواکاریەکەمان قەبوڵ بکەن بەزیندویی هاوکاریمان بکە دوای مردنیش خوا گەورەیە کەس نازانێ کێ پێش کێ دەمرێت ،
لەگەڵ رێز .

07.09.2020

 

كۆمێنتی خۆت جێبێلە

هەواڵی تر

ئازادی ڕادەربڕین

یەکێک لە هۆکارەکانی فراوانبوونی ئازادی ڕادەربڕیـن بریتی بوو لە شۆڕشی تەکنەلۆژیاو زانیاری ل…