08/06/2020

ناوەڕۆكی كۆبوونەوەكەی ئەمڕۆی وەزارەتی دارایی ئاشكرابوو

برادۆست میدیا ـ هەولێر: لە وەزارەتی دارایی بە سەرپەرەشتی ئاوات شێخ جەنابی وەزیری دارایی کۆبونەوەیەک بەڕێوەچووە.

وەزیرانی پلان دانان و ئاوەدانكردنەوەو نیشتەجێكردن و سەرۆكی دیوانی ئەنجومەنی وەزیران و سەرۆكی فەرمانگەی هەماهەنگی و بەدواداچوون و سكرتێری ئەنجومەنی وەزیران و ئەندامانی ئەنجومەنی وەزارەتی دارایی و ئابووری بەشداربوون لەکۆبۆنەوەکەدا.
بەپێی راگەیەندراوی وەزارەتی دارایی لە کۆبونەوەکەدا باس لەم بابەتانە کراوە:
ــ پرۆسەی چاكسازی و جێبەجێ كردنی پەیڕەوی یاسای چاكسازی.

وەزیری دارایی وئابووری وتویەتی:
پرۆسەی چاكسازی لە كارە هەرە لەپێشینەكانی ئەم كابینەیە، كە فاكتەری سەرەكییە لە پرۆسەی بەگژداچوونەوەی ئاڵنگاریە ئابووری و داراییەكان.

ــ بەشداربووانی کۆبونەوەکە تیشكیان خستوەتە سەر دۆخی دارایی و ئابووری ئێستای كوردستان و بژاردەكانی بەردەم حكومەت بۆ چارەسەر كردنی قەیرانەكان و سەركەوتن لە بواری جێبەجێكردنی یاسای چاكسازیدا.

کۆبونەوەکە لەکاتێکدا بەڕێوەچوو، حکومەت تاوتوێ دەستکاریکردنی موچەی فەرمانبەران و گونجاندنی دەکات لەگەڵ ئەو داهاتەی کە دوای رێککەوتنی لەگەڵ حکومەتی عێراق، مانگانە دەست حکومەتی هەرێم دەکەوێت.

كۆمێنتی خۆت جێبێلە

هەواڵی تر

فۆتۆگرافەرێکی کورد لە ئەلمانیا کارێکی ناوازە ئەنجام دەدا

برادۆست میدیا ڕەوەند جەواد فۆتۆگرافەر خەڵکی هەولێرە ماوەی پێنج ساڵە لە وڵاتی ئەڵمانیایە سە…