14/07/2019

فاخیـر هەریـری بێ سەر و شوێنە

برادۆست میدیا ـ هەولێر

هونەرمەندی میللی و بەندبێژی ناسراوی شاری هەولێر، فاخیر هەریری ماوەی چەند رۆژێكە بەهۆی بوونی كێشەی زەویەك لەگەڵ بەرپرسێك بێسەروشوێنە.

بەگوێرەی هەواڵێك كە ماڵپەڕی (رووداو) بڵاوی كردووەتەوە هاوڕێیەكی فاخیر هەریری رایگەیاندووە “لە رۆژی ۱۰ی حوزەیرانی ۲۰۱۹دا هونەرمەندە میللیەكە چووە بۆ شەقڵاوە و لەوكاتەوە بێسۆراخە”.

ئەو میدیایە لە زاری یونس شیما، هاوڕێی فاخیر هەریری راگەیاند “بەنیازن رۆژی دووشەممە ۱٥ی ۷ی ۲۰۱۹، لەبەردەم تەلاری پەرلەمان گردبوونەوەیەكی ناڕەزایەتی ئەنجام بدەن”.

ئەو هاوڕێیەی هەریری ئەوەشی ئاشكرا كردووە  “فاخیر هەریری لەسەر زەویەك كە لە شەقڵاوە بەكرێی گرتووە لەگەڵ بەرپرسێك ماوەیەكە كێشەیان لەسەری هەبووە، خاوەنی زەوییەكە داوای لە فاخیر هەریری كردووە زەوییەكەی بۆ چۆڵ بكات. ئەویش گوتوویەتی؛ ‘نزیكەی ۱٤ دەفتەر دۆلارم لەو زەوییەدا خەرجكردووە و سەرمایەی خۆم بەدەستبهێنمەوە چۆڵی دەكەم”.

پۆلیس و دەزگا ئەمنیەكانی هەولێر و شەقلاوە رەتیان كردووەتەوە ئاگاداری ئەو بابەتەبن بەهۆی ئەوەی هیچ سكاڵایەن لەو بارەیەوە تۆمار نەكراوە.

كۆمێنتی خۆت جێبێلە

هەواڵی تر

فۆتۆگرافەرێکی کورد لە ئەلمانیا کارێکی ناوازە ئەنجام دەدا

برادۆست میدیا ڕەوەند جەواد فۆتۆگرافەر خەڵکی هەولێرە ماوەی پێنج ساڵە لە وڵاتی ئەڵمانیایە سە…