14/09/2019

نەینەوا.. تەقینەوەیەك كوژرانی كەسێكی لێكەوتەوە

برادۆست میدیا ـ نەینەوا

سەرچاوەیەكی ئەمنی رایگەیاند كە لە ئاكامی تەقینەوەی بۆمبێكی چێندراو لە باشووری پارێزگای نەینەوا، كەسێك كوژراوە.

ئەفسەر لە پۆلیسی نەینەوا، نەقیب محەمەد جبوری بۆ ئاژانسی ئانادۆڵو ئاشكرای كرد لە ناحیەی شورە باشووری پارێزگای نەینەوا، بۆمبێكی چێندراو بە ئۆتۆمبێلێكدا تەقیوەتەوە.

بە گوتەی محەمەد جبوری لە ئاكامی تەقینەوەكەدا، شۆفێری ئۆتۆمبێلەكە كوژراوە و یەكێكی دیكەش برینداربوو.

لە لایەكی دیكەوە بەڕێوەبەرایەتی هەواڵگریی سەربازیی لە راگەیەندراوێكدا بڵاویكردەوە كە دوو تیرۆریست لە ناحیەی گەیارە باشووری پارێزگای نەینەوا دەستگیركراون.

لە راگەیەندراوەكەدا، وردەكاری و زانیاری زیاتر لەبارەی دەستگیركردنی دوو تیرۆریستەكەوە، نەخراوەتەڕوو.

سەرچاوە: ئەندۆڵۆ

كۆمێنتی خۆت جێبێلە

هەواڵی تر

فۆتۆگرافەرێکی کورد لە ئەلمانیا کارێکی ناوازە ئەنجام دەدا

برادۆست میدیا ڕەوەند جەواد فۆتۆگرافەر خەڵکی هەولێرە ماوەی پێنج ساڵە لە وڵاتی ئەڵمانیایە سە…