12/07/2019

سەرۆکی تۆڕی ڕێکخراوە ناحکومیەکانی سۆران، ئیدانەی تۆپبارانی دەڤەری باڵەکایەتی و برادۆست دەکات

برادۆست میدیا ـ سۆران

عەلی شەریف خۆشناو، سەرۆکی تۆڕی ڕێکخراوە ناحکومیەکانی سۆران، ئیدانەی تۆپبارانی دەڤەری باڵەکایەتی و دەڤەری برادۆست دەکات.

ئەمڕۆ هەینی ۱۲ی ۷ی ۲۰۱۷، عەلی شەریف خۆشناو، سەرۆکی تۆڕی ڕێکخراوە ناحکومیەکانی سۆران، ئیدانەی تۆپبارانی دەڤەری باڵەکایەتی و دەڤەری برادۆست دەکات و دەڵێت،” ئیدانەی هەر هێرشێک و سنور بەزاندنێک دەکەین بە هەر بیانویەک بۆ سەر خاکی هەرێمی کوردستان و هاووڵاتیانی سنوری قەزای سۆران ‌و چۆمان.

خۆشناو دەشڵێت،” داواكارین لە حكومەتی هەریمی كوردستان و لایەنی پەیوەندیدار و كۆمەڵگەی نێودەوڵەتی، بەزووترین كات ئەم كارە نامرۆڤانەی ووڵاتانی دراوسێ ئیدانە بكرێت و چیتر ناوچە سنووریەكانی هەرێمی كوردستان بە بیانووی هەبوونی چەند كەس و لایەنێکی سیاسی بۆردوومان نەكرێت و لەم نێوانەدادە چیتر خەڵكی سڤیل نەكرێتە قوربانی .

ئەمەش دەقی بەیاننامەکەی تۆڕی رێکخراوە ناحکومیەکانی سۆرانە

سەرۆکی تۆڕی ڕێکخراوەناحکومیەکانی سۆران
ئێدانەی ئەو هێرشانەی دوایی فڕۆكە جەنگییەكانی سوپایی توركیا و تۆپبارانکردنی سووپایی ئیران بۆ سەر ناوچە سنوریەکانی هەرێمی کوردستان و هاووڵاتیانی سڤیل دەكات،
جێگای داخە ساڵانە لە وەرزی هاوین و لە کاتی داچاندن و دروینەوە و هەڵگرتنەوەی بەرو و بوومی هاوینەی جووتیاران و لەکاتی چوونی کۆچەران و خاوەن مەڕ و ماڵات بۆ ناوچە کوێستانیەکانی دەڤەری باڵەکایەتی و دەڤەری برادۆست هێرشی فڕۆکەکان و تۆپبارانکردنی ناوچەکە دەست پێدەکات لە لایەن دراوسێکانمان بەمەش دەبێتە شەهیدکردن و بریندارکردنی هاوڵاتیانی سڤیل و سووتانی ڕەز و باغ و لەناوچوونی بەرو و بوومی جووتیاران و زەرەر و زیان گەیاندن بە مەڕ و ماڵاتی هاووڵاتیان و کۆچەرانی دەڤەرەکە ، لێرەوە ئیدانەی هەر هێرشێک و سنور بەزاندنێک دەکەین بە هەر بیانویەک بۆ سەر خاکی هەرێمی کوردستان و هاووڵاتیانی سنوری قەزای سۆران ‌و چۆمان ،
داواكاریشین لە حكومەتی هەریمی كوردستان و لایەنی پەیوەندیدار و كۆمەڵگەی نێودەوڵەتی، بەزووترین كات ئەم كارە نامرۆڤانەی ووڵاتانی دراوسێ ئیدانە بكرێت و چیتر ناوچە سنووریەكانی هەرێمی كوردستان بە بیانووی هەبوونی چەند كەس و لایەنێکی سیاسی بۆردوومان نەكرێت و لەم نێوانەدادە چیتر خەڵكی سڤیل نەكرێتە قوربانی .

تێبینی / ئەگەر پەیامەکەمان نەگەیشتە شوێنی مەبەست دوای ئاسایی بوونەوەی دەوامی فەرمی کۆنگرەیەکی ڕۆژنامەوانی ئەنجامدەدەین پشت بەخوا
ئەوکات ،شوێن و کاتی ئەنجامدانی کۆنگرەی ڕۆژنامەوەنی دیاری دەکەین …..

لــەگـــەڵ ڕێـــزدا ……

بـــراتــان
عـــلــی شــریــف خــۆشــنــاو
سەرۆکی تۆڕی ڕێکخراوە ناحکومیەکانی سۆران
ڕۆژی هـەیـنـی ۱۲ ی ۷ ی ۲۰۱۹

كۆمێنتی خۆت جێبێلە

هەواڵی تر

فۆتۆگرافەرێکی کورد لە ئەلمانیا کارێکی ناوازە ئەنجام دەدا

برادۆست میدیا ڕەوەند جەواد فۆتۆگرافەر خەڵکی هەولێرە ماوەی پێنج ساڵە لە وڵاتی ئەڵمانیایە سە…