15/07/2019

بە بەشداری زیاتر لە ۱٦٦ کۆمپانیا لە پێشانگەی کاری نێودەوڵەتی روانگە فرص ٢٠١٩ بەرێوەدەچێت

برادۆست میدیا ـ هەولێر

بە بەشداری زیاتر لە ۱٦٦ گەورە کۆمپانیای ناوخۆیی و دەرەکی لە پێشانگەی کاری نێودەوڵەتی روانگە فرص ٢٠١٩ لەپارکی سامی عبدالرحمن ی هەولێر، دەستی بەکارەکانی کرد.

لەوتاری کردنەوەی پێشانگای کاری نێودەوڵەتی، نێچیرڤان بارزانی سەرۆکی هەرێمی کوردستن رایگەیاند،” بەهۆى باشبوونى دۆخى داراییەوە هەلی کارى زیاتر بۆ گەنجان دەڕەخسێت، دەشڵێت، کەرتى گشتى ناتوانێت هەموو دەرچووانى زانکۆ دابمەزرێنێت.

بارزانی وتیشی،” ئەگەر شەڕى داعش و قەیرانەکان نەبووایە، ئەوا بێگومان دۆخی ئابوری کوردستان باشتردەبوو.

نێچیرڤان بارزانى باسی لەوەشکرد، ئەزمونى وڵاتانى پێشکەوتوو دەریخستووە تەنیا ئەرکی حکومەت نییە دەرفەتى کار بۆ گەنجان بڕەخسێنێت و بە پێویستى زانى کەرتى گشتى و تایبەت و کۆمەڵگەى مەدەنى پێکەوە هەماهەنگ بن تاوەکو بەهەموویانەوە هەلی کار بۆ گەنجان بڕەخسێنن.

عەبدولسەلام مەدەنی بەرێوەبەری دەزگای روانگە لە وتاری کردنەوەی پێشانگەکەدا گوتی “لە روانگە بڕوامان وایە بە کۆڵنەدان و بەردەوامبوون دەتوانین بەرەو ئیشی باشتر بڕۆین”

جێگای ئاماژەیە زیاتر لە ۱۷۰۰ ھەلی کار لە پێشانگەی کاری نێودەوڵەتی روانگە فرص ٢٠١٩ بەردەستە بۆ بەشداربوانی.

كۆمێنتی خۆت جێبێلە

هەواڵی تر

فۆتۆگرافەرێکی کورد لە ئەلمانیا کارێکی ناوازە ئەنجام دەدا

برادۆست میدیا ڕەوەند جەواد فۆتۆگرافەر خەڵکی هەولێرە ماوەی پێنج ساڵە لە وڵاتی ئەڵمانیایە سە…