30/03/2020

نه‌خۆشخانا كاڤین بۆ گومانلێكریێن ڤایرۆسێ كۆرۆنا ھاتە ڤەکرن

بورهان یەحیا

دهۆک

نه‌خۆشخانا كاڤین بۆ گومانلێكریێن ڤایرۆسێ كۆرۆنا ھاتە ڤەکرن، پارێزگه‌رێ دهوكێ گه‌ریانه‌ك لناڤ ژور وكارگێریا نه‌خوشخانێ كر وژنێزیك سه‌حكره‌ به‌رهه‌ڤیا نه‌خوشخانێ بو پێشوازیكرنا گومانلێكریێن ڤایروسێ كورونا .

بڤێ هه‌لكه‌فتێ پارێزگه‌رێ دهوكێ ده‌ست خوشى وسوپاسیا وه‌به‌رهێنه‌ر وخێرخاز زكرى به‌شیر كر ل دور ڤێ ده‌ست پێشخه‌ریێ كو ئه‌ڤ نه‌خوشخانه‌ هه‌روه‌سا ئوتێله‌ك وچه‌ند كارێن دن ژى كرینه‌ وه‌كو خوبه‌خش وئێخستیه‌ دخزمه‌تا ساخله‌میێ دا.

هه‌روه‌سا سوپاسیا هه‌موو سه‌رمایه‌دار وخێر خازا تایبه‌تى ده‌زگه‌هێ وه‌به‌رهێنانێ یێ پارتى كر كو وه‌كو خو به‌خش هه‌ڤكارى دگه‌ل ژورا ئوپه‌راسیونا كرى یه‌ بو هاریكاریكرنا نه‌خوشێن ڤایروسێ كورونا وسوپاسیا وان خێر خاز وسازیان ژى كر یێن هاریكاریا ده‌ست كورتێن پارێزگه‌هێ كرین وسوپاسیا خه‌لكێ پارێزگه‌هێ كر كو هه‌تا نوكه‌ زور دهاریكاربوینه‌ دگه‌ل ژورا عه‌مه‌لیاتا بوبجه ئینانا رێنما وبریارێن حكومه‌تا كوردستانێ وژورا ئوپه‌راسیونا وداخاز ژخه‌لكێ پارێزگه‌هێ كر كو پتر د هشیار و هاریكاربن دگه‌ل لایه‌نێن په‌یوه‌ندیدار ژبو بجه ئینانا هه‌موو رێنما وبریارێن حكومه‌تا كوردستانێ وژورا عه‌مه‌لیاتا بو وێ یه‌كێ ئه‌ڤ نه‌خوشیه‌ ژ هه‌موو خه‌لكێ پارێزگه‌هێ بهێته‌ دوركرن.

هه‌روه‌سا سوپاسیا تیمێن ساخله‌میێ وده‌زگه‌هێن ئێمناهیێ كر كو پلانا ژورا ئوپه‌راسیونا یا به‌رهنگاربونا ڤایروسێ كورونا ب ره‌نگه‌كێ رێك وپێك بجه دئینن.

پارێزگه‌رێ دهوكێ گوت: ئه‌م داخازا لێبورینێ ژهه‌موو خه‌لكێ پارێزگه‌هێ دكه‌ین كو ژسه‌ر كار وكاسبكاریا روژانه‌ هاتینه‌ دوركرن وزه‌ره‌رمه‌ند بوینه‌ لێ ئه‌ڤ بریاره‌ هه‌موو ژبو به‌رژه‌وه‌ندیا گشتى بوینه‌ كو خه‌لكێ مه‌ ژڤایروسێ كورونا بهێنه‌ پاراستن وئه‌م یێ كاردكه‌ین كو وه‌جبه‌كا ئاهێن خارنێ یا بله‌ز ل سه‌ر هه‌موو خه‌لكێ پارێزگه‌هێ به‌لاڤكه‌ین ، هه‌روه‌سا ده‌زگه‌هێ خێر خازێ بارزانى ژى (50) هزار به‌هر (حصه‌) ئاماده‌كرینه‌ ل سه‌ر خه‌لكێ هه‌موو پارێزگه‌هێ ب هه‌موو قه‌زا ڤه‌ به‌لافكه‌ت.

هه‌روه‌سا ته‌كه‌زكر كو مه‌ هزر ل هه‌موو تشته‌كى كریه‌ كو دبه‌رژه‌وه‌ندا خه‌لكێ مه‌ دابن وروژانه‌ كومبونێن به‌رده‌وام دهێنه‌ سازكرن وهه‌موو بابه‌تێن گرێداى ب ره‌وشا وه‌لاتیان ڤه‌ دهێنه‌ به‌حسكرن ودڤێت ئه‌م خو ب پارێزین دا ئه‌ڤ په‌تایه‌ بهێته‌ دوركرن.

ژلایێ خوڤه‌ رێڤه‌به‌رێ گشتى یێ ساخله‌میێ گرنگیا ڤه‌كرنا نه‌خوشخانێ به‌رچاڤكر وگوت دێ بیته‌ هاریكار بو حه‌واندنا گومانلێكریێن نه‌خوشیا ڤایروسێ كورونا وهه‌ر گومانلێكریه‌ك ژ24- 48ده‌م ژمێرا دێ ل ڤێ نه‌خوشخانێ مینت هه‌تا ئه‌نجامێن بشكنینێ بو ده‌ردكه‌ڤن هه‌روه‌سا بارێ نه‌خوشخانێن دى دێ هێته‌ سڤكرن وسوپاسیا خێرخاز زكرى به‌شیر كر بو ئاڤاكرنا ڤێ نه‌خوشخانێ وته‌رخانكرنا جهێن دى بو كه‌ره‌نتیكرنا وه‌لاتیان.

هه‌روه‌سا سه‌رپه‌رشتێ ئاڤاكرنا نه‌خوشخانێ ئه‌ندازیار كامیران عبدالله گوت: نه‌خوشخانه‌ ژ( 45)ته‌ختا پێك دهێت و هه‌موو پێدڤیێن نوشدارى وه‌كو ته‌خت وته‌له‌فزیون وهێلا ئنترنێتێ ویه‌كه‌یێن كارگێرى دناڤدا هه‌نه‌ پروژه‌ دماوێ 7هه‌تا نه‌ه روژان دا هاتیه‌ دورستكرن ، هه‌روه‌سا گوت: ئه‌م وه‌كو گروپێ كاڤین دئاماده‌ینه‌ هه‌ر داخازییه‌كا ژمه‌ بهێته‌ كرن بێخینه‌ دخزمه‌تا ژورا ئوپه‌راسیونا یا به‌رهنگاربونا ڤایروسێ كورونا.

كۆمێنتی خۆت جێبێلە

هەواڵی تر

فۆتۆگرافەرێکی کورد لە ئەلمانیا کارێکی ناوازە ئەنجام دەدا

برادۆست میدیا ڕەوەند جەواد فۆتۆگرافەر خەڵکی هەولێرە ماوەی پێنج ساڵە لە وڵاتی ئەڵمانیایە سە…