08/09/2019

بەوێنە؛ لەدهۆك رۆژنامەنوسێك كوژرا

برادۆست میدیا ـ دهۆک

كاتژمێر 8ی بەیانی ئەمڕۆ یەكشەممە وێنەگرێكی كوردستان تیڤی لە گوندی بادێ لەنزیك دهۆك كوژرا.

كوردستان تیڤی میدیای فەرمی پارتی بڵاویكردوەتەوە، چیایی موسلیح، وێنەگری كوردستان تیڤی كە ماوەی 15 ساڵە وەك كامیرامان و وێنەگر لەو كەناڵە كاردەكات، بەیانی ئەمڕۆ  لە كاتی چوونی بۆ سەر كارەكەی لە نووسینگەی كوردستان تیڤی لەدهۆك، بەهۆی كێشەیەكی كۆمەڵایەتی درایە بەر دەستڕێژی گولـلە و كوژرا.

ئاماژە بەوەشكراوە، دوای ڕووداوەكەش تەرمی كامێرامانەكە ڕەوانەی پزییشكی دادی دهۆك كراوە.

چیایی لە دایكبووی ساڵی 1982یە و خێزاندارە و خاوەنی سێ منداڵە و ساڵی 2005 وەك وێنەگری كوردستان تیڤی دەست بەكار بووە و كاتژمێر 8ی بەیانی ئەمڕۆ یەكشەممەش لەكاتی چوونی بۆ سەر كارەكەی لە نووسینگەی كوردستان تیڤی لە دهۆك ، لە نزیك گوندی بادێ كوژرا.

بە پێی زانیارییەكانی كەناڵەكە هۆكاری كوشتنی چیایی دەگەڕێتەوە بۆ كێشیەكی خێزانی كە بەر لە ساڵێك ڕوویداوە و پاش كوشتنی چیاییش بكوژەكان بەرەو شوێنێكی نادیار هەڵاتوون و پۆلیسی دهۆكیش لێكۆڵینەوە لەڕووداوەكە دەكات.

كۆمێنتی خۆت جێبێلە

هەواڵی تر

فۆتۆگرافەرێکی کورد لە ئەلمانیا کارێکی ناوازە ئەنجام دەدا

برادۆست میدیا ڕەوەند جەواد فۆتۆگرافەر خەڵکی هەولێرە ماوەی پێنج ساڵە لە وڵاتی ئەڵمانیایە سە…