08/08/2019

بێگەرد تاڵەبانی، دەمانەوێت لەپاڵ نەوتدا پشت بە کشتوکاڵ ببەستین بۆ داهاتوو

برادۆست میدیا ـ هەولێر

وەزیری نوێی كشتوكاڵ و سەرچاوەكانی ئاوی ھەرێمی كوردستان رایگەیاند، دەیانەوێت بۆ داهاتوو لە پاڵ نەوت كشتوكاڵ بكەنە كۆڵەكەی زێڕینی ژێرخانی ئابوری ھەرێمی كوردستان.

ئەمڕۆ پێنجشەممە لە وتارێکدا، بێگەرد دلشاد تاڵەبانی، وەزیری كشتوكاڵ و سەرچاوەكانی ئاوی ھەرێمی كوردستان رایگەیاند، “لە ئەنجامی شەڕو سیاسەتی دوژمنکارانە و سیاسەتی وێرانەکارانەی رژێمی پێشوو کەرتی کشتوکاڵ بەمەبەست بە تەواوی وێرانکرا”.

ئاماژەی بەوەشکرد، “وێرانکردنی کەرتی کشتوکاڵی کوردستان لە راگواستنی گوندنیشنەکانمان لە ناوچە هاوسنورەکان لەگەڵ تورکیا و ئێران دەستپێدەکات کە زیانێکی زۆر بە کەرتی کشتوکاڵ گەیشتوە، بەتایبەت لە بواری هەنگەوانی، باخداری، سامانی ئاژەڵ”.

تاڵەبانی وتیشی، “دەمانەوێت لە پاڵ نەوتدا كشتوكاڵ بكەینە كۆڵەكەی زێڕینی ژێرخانی ئابوری وڵاتەكەمان و زەمینەیەكی لەبار ھەیە بۆ كشتوكاڵ كە بە نەوتی ھەمیشەیی ناودەبرێت، ئەوەش وایكردوە كابینەی نۆیەمی حكومەتی ھەرێمی كوردستان لە كارنامەی خۆیدا ئاماژەیەكی گرنگ و رون بدات بە سەرچاوەی جێگرەوەی نەوت.

قسەکانی بێگەرد تاڵەبانی لە میانەی پێشکەشکردنی وتارێکدا بوو کە لە كۆنفرانسێكی تایبەت بە كشتوكاڵ لە ھەولێری پایتەخەت بەڕێوە چوو.

كۆمێنتی خۆت جێبێلە

هەواڵی تر

فۆتۆگرافەرێکی کورد لە ئەلمانیا کارێکی ناوازە ئەنجام دەدا

برادۆست میدیا ڕەوەند جەواد فۆتۆگرافەر خەڵکی هەولێرە ماوەی پێنج ساڵە لە وڵاتی ئەڵمانیایە سە…