26/06/2019

ڕوونکردنەوەیەک بۆ ئەو ماڵانەی پارەی زۆری “ئاو”یان بۆهاتۆتەوە

برادۆست میدیا ـ هەولێر

بەڕێوەبەری گشتی ئاو و ئاوەڕۆی هەرێمی کوردستان ڕایدەگەیەنێت، لەماوەی دەستبەكاربوونی پێوەری ئاو چەندین ژمارەی جۆراوجۆر بۆ هاوبەشانی ئاو گەڕاوەتەوە و لەنێوانیشیانداهەیە كە بڕی سێ ملیۆن دیناری بۆ هاتووەتەوە.

ئەمڕۆ چوارشەممە ۲٦ی ٦ی ۲۰۱۹، مەسعود كاڕەش بەڕێوەبەری گشتی ئاو و ئاوەڕۆی هەرێمی كوردستان لە كۆنگرەیەكی ڕۆژنامەوانیدا وتی،” هۆكاری هاتنەوەی پارەی زۆر لەلایەن بەشێك لە هاوبەشانەوە بۆ بەكارهێنانی ئاوی زۆر دەگەڕێتەوە”.

ئاماژەی بەوەشکردووە “لەماوەی دەستبەكاربوونی پێوەری ئاو چەندین ژمارەی جۆراوجۆر بۆ هاوبەشانی ئاو گەڕاوەتەوە و لەنێوانیشیانداهەیە كە بڕی سێ ملیۆن دیناری بۆ هاتووەتەوە”.

بەپێی ئەو داتایانەی بەڕێوەبەرایەتی گشتی ئاو خستوویەتییەڕوو، لەكۆی ۸۰۰ هەزار هاوبەشی ئاو، نزیكەی هەزار هاوبەش بڕی (۳) ملیۆن دیناریان بۆ هاتووەتەوە،  دوو هەزارو ۷۳۳ هاووڵاتی لەنێوان ٥۰۰ هەزار تا یەك ملیۆن دیناریان بۆ هاتووەتەوە و لەكۆی ۹ هەزارو ٤٤۸ هاوبەشی ئاو لەنێوان ۲٥۰ هەزار دینار تاوەكو ٥۰۰ هەزار دیناریان بۆ هاتووەتەوە.

كاڕەش ئاشکراشی کرد، بەردەوام دەبین لەتەواوكردنی پڕۆسەی بەستنی پێوەر بۆ ماڵان و ئەوەیشی نەیبەستێ‌ توشی سزای دارایی دەبێت.

كۆمێنتی خۆت جێبێلە

هەواڵی تر

فۆتۆگرافەرێکی کورد لە ئەلمانیا کارێکی ناوازە ئەنجام دەدا

برادۆست میدیا ڕەوەند جەواد فۆتۆگرافەر خەڵکی هەولێرە ماوەی پێنج ساڵە لە وڵاتی ئەڵمانیایە سە…