10/09/2019

یەمەن.. بە هۆی زنجیرەیەک تەقینەوە حەوت مەدەنی كوژران

برادۆست میدیا

logo

جيهان

یەمەن.. بە هۆی زنجیرەیەک تەقینەوە حەوت مەدەنی كوژران

– گوتەبێژی هێزە هاوبەشەكان لە رۆژئاوای یەمەن، وەزاح دەبیش: “لە ئاكامی زنجیرەیەك تەقینەوە لە كۆگایەكی چەك و تەقەمەنی حووسییەكان، حەوت مەدەنی كوژران و ٢٠ی دیكەش برینداربوون”.

AA   |10.09.2019
یەمەن.. بە هۆی زنجیرەیەک تەقینەوە حەوت مەدەنی كوژران

Yemen

یەمەن ــ AA

گوتەبێژی هێزە هاوبەشەكان لە رۆژئاوای یەمەن، وەزاح دەبیش رایگەیاند كە لە ئاكامی زنجیرەیەك تەقینەوە لە كۆگایەكی چەك و تەقەمەنی حووسییەكان لە رۆژئاوای یەمەن، حەوت مەدەنی كوژران و ٢٠ی دیكەش.

وەزاح دەبیش لە لێدوانێكدا بۆ ئاژانسی ئانادۆڵو ئاشكرایكرد، زنجیرەیەك تەقینەوە لە كۆگایەكی چەك و تەقەمەنی حووسییەكان لە گەڕەكی زەعفەران باشووری شاری حودەیدە روویداوە و لە ئاكامدا، حەوت مەدەنی كوژراون و ٢٠ی دیكەش برینداربوون.

گوتەبێژی هێزە هاوبەشەكان لە رۆژئاوای یەمەن باسی لەوەشكرد كە بە هۆی تەقینەوەكانەوە، ژمارەیەك خانووی نزیك كۆگاكە خاپوور بوون، هەروەها دەیان خێزانی گەڕەكەکە ماڵوحاڵی خۆیان جێهشتووە و ئاوارەی گەڕەكەكانی دیكەی شارەكە بوون.

وەزاح دەبیش روونیشیكردەوە، ئەو كۆگایەی كە تەقینەوەكانی تیادا روویداوە، كارگەیەكی دروستكردنی پلاستیك بوو كە حووسییەكان دەستیان بەسەرداگرتووە و وەك كۆگایەكی چەك و تەقەمەنی تایبەت بە خۆیان بەكاری دەهێنن.

ناوبراو وردەكاری و زانیاری زیاتری سەبارەت بە هۆکاری تەقینەوەكان نەخستەڕوو و جەختیكردەوە كە هێزەكانیان هیچ پەیوەندییەکیان بەو تەقینەوانەوە نییە.

هیچ روونكردنەوە و زانیارییەك لەوبارەوە لە لایەن حووسییەكانەوە بڵاونەكراوەتەوە.

ئەنادۆڵۆ

كۆمێنتی خۆت جێبێلە

هەواڵی تر

گەشتە ئاسمانییەکانی نێوان عێراق و تورکیا دەستپێدەکەنەوە

دوای وەستانی گەشت ئاسمانییەکانی نێوان هەردوو دەوڵەت بەهۆی کۆڕۆناوە، دەسەڵاتی فڕۆکەوانی تور…