17/10/2019

نۆ رۆژە شەڕ لەنێوان تورکیا و هەسەدە بەردەوامە

برادۆست میدیا ـ رۆژئاڤا

نۆ رۆژە شەڕ لە رۆژئاڤای کوردستان بەردەوامە،لە نۆیەم ڕۆژی هێرشی سوپای تورکیا بۆ سەر ڕۆژئاوای کوردستان، سوپای تورکیا و گروپە چەکدارە هاوپەیمانەکانی لە هێرشی زەمینی و ئاسمانی بۆ سەر سەرێکانی بەردەوامن، بەڵام تا ئێستا هەسەدە ڕێگەی بەهیچ پێشڕەویەک بۆ ناو شارەکە نەداوە.

ئاژانسی هاور نیوز بڵاویکردەوە، لەشەوی ڕابردووەوە تا ئێستا لە دەروازەی سەرێکانی شەڕێکی سەخت لەنێوان شەڕڤانانی هەسەدە و سوپا و چەکدارە هاوپەیمانەکانی تورکیا بەردەوامە.

ئاماژەی بەوەشکردووە، لەو شەڕەدا ژمارەیەک سەرباز و چەکداری تورکیا کوژرا و برینداربوون، هەروەها ژمارەیەک شەڕڤانی هەسەدەش شەهید و برینداربوون.

ئاژانسی هاور نیوز هەروەها باسی لەوەشکردووە، سەرەڕای ژمارەی زۆری هێزەکانی سوپای تورکیا و چەکدارە هاوپەیمانەکانی و چەکە پێشکەوتووەکانیان، بەڵام تا ئێستا شەڕڤانان شکستیانهێناوە بەهەموو هێرشەکان بۆ ئەوەی بڕۆنە ناو سەرێکانیەوە، هەربۆیە شەڕ تەنیا لە دەروازەی شارەکەدا بەردەوامە و شەڕڤانان ڕێگە بەهیچ پێشڕەویەک نادەن بۆ ناو شارەکە.

كۆمێنتی خۆت جێبێلە

هەواڵی تر

گەشتە ئاسمانییەکانی نێوان عێراق و تورکیا دەستپێدەکەنەوە

دوای وەستانی گەشت ئاسمانییەکانی نێوان هەردوو دەوڵەت بەهۆی کۆڕۆناوە، دەسەڵاتی فڕۆکەوانی تور…