08/08/2019

دوو داڕێژەری دیكەی هێرشەکەی رێستۆرانتی هۆقەبازی هەولێر کوژران

برادۆست میدیا

میدیای فەرمی توركیا بڵاویكردەوە، دوو کەس بە تۆمەتی پلان داڕشتن بۆ هێرشەکەی ڕێستۆرانتی هۆقەبازی هەولێر کوشتووە.

ئاژانسی ئەنادۆڵی توركی بڵاویكردەوە، لە ئۆپەراسیۆنێکی ھاوبەشی میت و سوپای تورکیا لە باکوری عێراق، دوو پلانداڕێژەری دیکەی هێرشەکەی ڕێستۆرانتی هۆقەباز لە هەولێر، کوژراون.

ئاماژە بەوەشكردووە، ئەو دوو کەسە ناویان (حاجی کورھان و مەتین ئاکگون)ە کە سەربە چەکدارانی پارتی کرێکارانی کوردستانن.

هەروەها ئاماژەی بەوەشكردووە، ئاجی کورهان، یەکێکە لە کەسە زۆر نزیکەکانی موراد قەرەیلان، فەرماندەی بڕیارگەی ناوەندی پاراستنی گەل كە لە ساڵی ۲۰۰۲ەوە چووەتە ناو پارتی کرێکارانی کوردستان.

ئەوەش لەكاتێكدایە، ڕۆژی ۱۷ی تەموز دژە تیرۆری کوردستان دەستگیرکردنی تۆمەتباری سەرەکی هێرشەکەی هەولێری راگەیاند و لەو بارەیەوە لە راگەیەندراوێکدا رایگەیاندبوو، ئاگاداری هاووڵاتیان ده‌كه‌ینه‌وه‌، تاوانبار مه‌زلوم داغ كه‌ دوو رۆژ له‌مه‌وبه‌ر وێنه‌ی وه‌ك داواكراو بڵاوكرایه‌وه‌، له‌لایه‌ن به‌ڕێوه‌به‌رایه‌تی ئاسایشی هه‌ولێر و دژه‌ تیرۆری كوردستان ده‌ستگیر كرا.

كۆمێنتی خۆت جێبێلە

هەواڵی تر

گەشتە ئاسمانییەکانی نێوان عێراق و تورکیا دەستپێدەکەنەوە

دوای وەستانی گەشت ئاسمانییەکانی نێوان هەردوو دەوڵەت بەهۆی کۆڕۆناوە، دەسەڵاتی فڕۆکەوانی تور…