23/01/2020

ئەمریكا: هەمان چارەنووسی سولەیمانی چاوەڕێی قائانی دەكات

برادۆست میدیا

نێردەی ئەمریكا بۆ كاروباری ئێران هەڕەشە دەکات و  دەڵێت، ” هەمان چارەنووسی قاسم سولەیمانی، فەرماندەی پێشووی فەیلەقی قودس، چاوەڕێی ئیسماعیل قائانی، جێگرەوەی دەكات ئەگەر بێتو لەسەر هەمان بەرنامەی سولەیمانی كاربكات.

دوای ئەوەی لە 3ی ئەم مانگە، قاسم سولەیمانی و ئەبومەهدی موهەندیس، جێگری دەستەی حەشدی شەعبی لەهێرشێكی ئاسمانیی هێزەكانی ئەمریكا لەنزیك فڕۆكەخانەی بەغدا كرانە ئامانج و كوژران، دواتر لەلایەن رژێمی ئێرانەوە (ئیسماعیل قائانی) جێگری سولەیمانی كرایە بەرپرسی فەیلەقی قودس.

برایان هۆك، نێردەی ئەمریكا بۆ كاروباری ئێران، لەچاوپێكەوتنێكدا لەگەڵ رۆژنامەی شەرقولئەوسەت رایگەیاند، “كوشتنی سولەیمانی بۆشاییەكی دروستكردووە كە ئێران ناتوانێت پڕی بكاتەوە و وڵاتەكەی كۆتایی بە ” مەترسیدارترین تیرۆرست” هێنا لە جیهاندا، ئەوەش وادەكات ناوچەكە ئارامتر بێت لەبەرئەوەی سولەیمانی ئەو بەستەرەبوو كە بریكارەكانی ئێرانی لەناوچەكە كۆكردبوەوە.”

ئیسماعیل قائانی لەگەڵ دەستبەکاربوونی رایگەیاند، ” تۆڵەی سولەیمانی لە دوژمنانی دەكەنەوە و بە گڕوتینەوە بەردەوام دەبن لە رێبازەكەی”.

كۆمێنتی خۆت جێبێلە

هەواڵی تر

گەشتە ئاسمانییەکانی نێوان عێراق و تورکیا دەستپێدەکەنەوە

دوای وەستانی گەشت ئاسمانییەکانی نێوان هەردوو دەوڵەت بەهۆی کۆڕۆناوە، دەسەڵاتی فڕۆکەوانی تور…