13/01/2019

وەزیری دەرەوەی ئەریکا: كوردانی سوریا تیرۆرست نین

وەزیری دەرەوەی ویلایەتە یەكگرتووەكانی ئەمریكا دەڵێت، كوردانی سوریا تیرۆرست نین، شایستەی ئەوەن پارێزگاریان لێبكرێت.

مایك پۆمپی وەزیری دەرەوەی ئەمریکا، دوای پەیوەندییەكی تەلەفۆنی لەگەڵ مەولود چاوش ئۆغڵۆی وەزیری دەرەوەی توركیا ڕایگەیاند، گەشبینە بەدانوستانەکانی نێوانیان و ئەگەری بەدەستهێنانی ئەنجامێكی باش لەنێوان توركیاو كوردانی سوریا بەدیدەکرێت.

پۆمپیۆ ووتی:” دان بەمافی گەلی توركیادا دەنێین بۆ بەرگریكردن لەخۆیان لەدژی تیرۆرستان، بەڵام ئەوەش دەزانین کوردانی سوریا تیرۆرست نین و شانبەشانی ئێمە جەنگاون و شایستەی ئەوەن پارێزگاریان لێبكرێت.

ئاماژەی بەوەشكرد:” جیمس جێفری، نێردراوی ویلایەتە یەكگرتووەكان گەیشتووەتە باكوری خۆرهەڵاتی سوریا و بڕیارە لەئایندەیەكی نزیكدا سەردانی ئەنقەرە بكات، بۆ تاوتوێكردنی چەندین دۆسێی گرنگ لەنێویاندا بەرەوپێشبردنی ئەو پرۆسە سیاسیەی لەلایەن نەتەوەیەكگرتووەكانەوە سەرپەرشتی دەكرێت بۆ كۆتایی هێنان بە ئاڵۆزییەكانی سوریا كەماوەی 8 ساڵە بەردەوامە.”

وەزیری دەرەوەی ئەمریكا پێشنیاری كرد، گفتوگۆكانی نێوان كوردانی سوریا و دیمەشق بەشێك بێت لەچارەسەرێكی سیاسی كە پانتاییەكی فراوانتر لەخۆبگرێت لە سوریادا.

كۆمێنتی خۆت جێبێلە

هەواڵی تر

گەشتە ئاسمانییەکانی نێوان عێراق و تورکیا دەستپێدەکەنەوە

دوای وەستانی گەشت ئاسمانییەکانی نێوان هەردوو دەوڵەت بەهۆی کۆڕۆناوە، دەسەڵاتی فڕۆکەوانی تور…