29/01/2019

هەڵەبجە: تەرمی ژنێک بەخنکاوی دۆزرایەوە

ئەمڕۆ سێشه‌ممه‌ 29ی کانوونی دووەمەی 2019، تەرمی ژنێک لە هەڵەبجە له‌نێو ماڵه‌كه‌ی‌ خۆیدا دۆزرایەوە و پۆلیس رایگەیاندوە كه‌ ئەو کەسە خۆی خنکاندوە.

بەپێی راگەیەنراوێكی پۆلیسی هەڵەبجە، تەرمی ژنێک لە ماڵەکەی خۆیدا بە خنکاوی دۆزراوەتەوە و تەرمەکەشی رەوانەی پزیشکی دادوەری هەڵەبجە کراوە، به‌وته‌ی‌ پۆلیسیش روداوه‌كه‌ خۆكوژی‌ بوه‌و ژنه‌كه‌ خۆی‌ خنكاندوه‌.

پۆلیسی پارێزگای هەڵەبجە لە راگەیەنراوەکەدا ئاشکرایکردوە؛ سەرلەبەیانی ئەمڕۆ سێشەممە “29/1/2018” لەگەڕەکی مامۆستایانی‌ هه‌ڵه‌بجه‌ ژنێک بەناوی  (ن.ت.م)ی‌ ته‌مه‌ن (40) ساڵ کە ژنی ماڵەوە بووە خۆی خنکاندوە.

رائید بەرزان عوسمان محه‌مه‌د وتەبێژی بەڕێوەبەراتی پولیسی پارێزگای هەڵەبجە ئاماژەی بەوە کردوە: تیمی پولیسی‌ بەڵگەی تاوان لە شوێنی روداوەکە لێکۆڵینەوەیان دەست پێکردوە بۆ ئاشکراکردنی هۆکاری روداوەکە و پەڕاوی لێکۆڵینەوەیان کردوەتەوە.

بە پێی راگەیەندراوی پۆلیس، تەرمی ئەو ژنە بەمەبەستی توێکاری پزیشكی‌، رەوانەی پزیشکی دادوەریی کراوە.

كۆمێنتی خۆت جێبێلە

هەواڵی تر

فۆتۆگرافەرێکی کورد لە ئەلمانیا کارێکی ناوازە ئەنجام دەدا

برادۆست میدیا ڕەوەند جەواد فۆتۆگرافەر خەڵکی هەولێرە ماوەی پێنج ساڵە لە وڵاتی ئەڵمانیایە سە…