08/01/2019

هەدەپە و هێزە کوردیەکانی تورکیا بەیەک لیست بەشداری هەڵبژاردن دەکەن

هەدەپە و حەوت لایەنی دیکە هاوپەیمانییان راگەیاند و بە یەک لیست لە هەڵبژاردنی شارەوانییەکانی تورکیا بەشداریی دەکەن.

بەپێی راگەیێندراوی حیزبە هاوپەیمانەکان، ئامانج لەو رێککەوتنە دروستکردنی یەکێتییەکی تۆکمەی کوردە بەرامبەر گوشارەکانی دەسەڵاتی تورکیا.

پەرلەمانتارێکی هەدەپە رایگەیاند، هاوپەیمانی و رێککەوتنەکە بۆ داهاتوو هەنگاوێکی گرنگە، نایانەوێ هیچ دۆست و لایەنگرێکیان لە دەرەوەی هاوپەیمانێتیەکە بێت، دەست بە گفتوگۆ دەکەن لەگەڵ چوار لایەنی دیکەش بۆ ئەوەی لیستەکە گەورەتر کەن.

ئەو لایەنانەی لەگەڵ هەدەپە رێککەوتوون: 

– بزووتنەوەی ئازادی
– پارتی کۆمیونیستی کوردستان
– پارتی دیموکراتی کوردستان-تورکیا
– پلاتفۆرمی دیموکراتی کوردستان
– پارتی هەرێمە دیموکراتەکان
– پارتی مرۆڤ و ئازادی
– کۆمەڵەی شۆڕشگێری دیموکراتی کورد

زۆربەی پارتەکانی باکووری کوردستان دەیانەوێت لەم هەڵبژاردنەدا بەیەکەوە بن و لە ژێر یەک چەتر و یەک نوێنەرایەتی دەربکەون. ئەمەش یەکەمینجارە ژمارەیەکی بەرچاویان بەیەکەوە بەشداری هەڵبژاردنەکان دەکەن.

سەرچاوە: رووداو

كۆمێنتی خۆت جێبێلە

هەواڵی تر

گەشتە ئاسمانییەکانی نێوان عێراق و تورکیا دەستپێدەکەنەوە

دوای وەستانی گەشت ئاسمانییەکانی نێوان هەردوو دەوڵەت بەهۆی کۆڕۆناوە، دەسەڵاتی فڕۆکەوانی تور…