24/12/2018

هاشمی شاهرودی: سەرۆكی ئەنجومەنی بەرژەوەندییەكانی ئێران كۆچی دوایی كرد

سەرۆكی ئەنجومەنی بەرژەوەندییەكانی ئێران كۆچی دوایی كرد

بەیانی ئەمڕۆ هاشمی شاهرودی سەرۆكی ئەنجومەنی بەرژەوەندییەكانی ئێران بەهۆی نەخۆشی و لەتەمەنی 70 ساڵیدا كۆچی دوایی كرد.

 

ئاژانسی هەواڵی میهری ئێرانی بڵاوی كردەوە، بەیانی ئەمڕۆ دوای ئەوەی هاشمی شاهرودی سەرۆكی ئەنجومەنی بەرژەوەندیەكانی ئێران بەهۆی تێكچونی تەندروستییەوە ڕەوانەی نەخۆشخانە كرا لەتەمەنی 70 ساڵیدا كۆچی دوایی كرد.

 

هاشمی شاهرودی ساڵی ڕابردو لەلایەن ئایەتوڵا خامنەیی مەرجەعی باڵای كۆماری ئیسلامی ئێرانەوە وەك سەرۆكی ئەنجومەنی بەرژەوەندیەكانی ئێران دیاریكرا، بەڵام چەند مانگێكە بەهۆی نەخۆشییەوە نەیدەتوانی ئامادەی كۆبونەوەكان بێت.

 

شاهرودی وێڕای پۆستەكەی ئێستای لەساڵی 2011 وە سەرۆكی لیژنەی باڵای چارەسەری قەیرانەكان و ڕێكخەری پەیوەندییەكانی نێوان هەر سێ دەسەڵاتەكەی ئێران و ئەندامی ئەنجومەنی هەمواركردنەوەی دەستووریش بوەو بەیانی ئەمڕۆ بەهۆی شێرپەنجەوە كۆچی دوایی كرد.

 

 

كۆمێنتی خۆت جێبێلە

هەواڵی تر

گەشتە ئاسمانییەکانی نێوان عێراق و تورکیا دەستپێدەکەنەوە

دوای وەستانی گەشت ئاسمانییەکانی نێوان هەردوو دەوڵەت بەهۆی کۆڕۆناوە، دەسەڵاتی فڕۆکەوانی تور…