23/03/2019

مەلا بەختیار پەیامێکی بۆ مەلا کرێکار نارد

بەرپرسی دەستەی كارگێڕی مەكتەبی سیاسی یەكێتی نیشتمانی کوردستان وەڵامی داواکاریەکەی مەلا کرێکار دەداتەوە بۆ ئەنجامدانی دیبەیتێکی راستەوخۆ و رایگەیاند، “هەركاتێك بەئازادی گەڕایتەوە دیبەیتت لەگەڵ دەكەم”.

ئەمڕۆ شەمە ٢٣ی ئادار، راگەیاندنی دەستەی كارگێڕی مەکتەبی سیاسی یەکێتی لەراگەیەندراوێکدا بڵاویکردەوە، “ئێوارەی ئەمڕۆ رۆشنگەر مەلا بەختیار لەپەیامێكی ڤیدیۆیدا بەچەند سەرنجێك وەڵامی مەلا كرێكار دەداتەوەو تیایدا رایدەگەیەنێت، هەركات گەڕایتەوە كوردستان، بێگومان وەكو یەكەمین چالاكیت، بەندە دیبەتێكت لەگەڵ سازدەكات”.

ئاماژە بەوەشکراوە، “ئەگەرچی بڕیاربوو رۆشنگەر مەلا بەختیار، لە دوو رۆژی رابردودا پەیامەكەی بڵاوبكاتەوە، بەڵام بەهۆی جەژنی نەورۆز و گەردن ئازادی خەڵكی كوردستان لەیەكتر، پەیامەكەی دواخست‌و نەیویست، لەوكاتەدا كە خەڵكی كوردستان سەرقاڵی شادیی‌و خۆشیەكانیان پەیامەكەی بڵاو بكاتەوە”.

بەپێی راگەیەندراوەکە، مەلا بەختیار لەوەڵامەکەیدا بۆ مەلا کرێکار دەڵێت، “جیاواز بیردەكەینەوە، بەڵام رێزم بۆ جیاوازییەكان هەیە‌و هیچ كاتێكیش باوەڕم بەوە نییە ئازادیت لێ‌ زەوت بكرێت‌و باوەڕیشم بەوە نییە كەس بیر لەوە بكاتەوە، تۆڵەی جەستەیی لەجەنابت بكاتەوە”.

ئەمە لەکاتێکدایە مەلا كرێكار لەپەیامێکدا وتبوی، “دەمەوێت بە مەلا بەختیار و هاوبیرەكانی بڵێم، شكستان حەتمیە، لەبەر ئەوەی بەرامبەر ئیسلامە، ئێوە شكستی عەلمانیەکانی عەرەب و تورك، لە مەغریبەوە تا ئەندەنوزیا، دەبینن، بە غەیری كوتەك بە غەیری جەیش بەغەیری موخابەرات بە غەیری زیندان، بە غەیری راگەیاندن و چەواشەكاری، وە پارەی دزین، نەتانتوانیوە بگەنە سەر سوڵتە”

خەندان

كۆمێنتی خۆت جێبێلە

هەواڵی تر

فۆتۆگرافەرێکی کورد لە ئەلمانیا کارێکی ناوازە ئەنجام دەدا

برادۆست میدیا ڕەوەند جەواد فۆتۆگرافەر خەڵکی هەولێرە ماوەی پێنج ساڵە لە وڵاتی ئەڵمانیایە سە…