20/06/2020

پێویستە بەغدا داوا بکات ئەو هێرشانە ڕابگیرێت

جێگری سەرۆكی پەرلەمانی عێراق ئیدانەی هێرشی توركیا بۆ سەرخاكی هەرێمی كوردستان دەكات.

جێگری دووەمی سەرۆكی پەرلەمانی عێراق رایگەیاند، بە توندنی ئیدانەی هێرش و پەلامارەكانی سوپای توركیا بۆسەر خاكی هەرێمی كوردستان دەكەن و بە پێشێلكردنی سەروەری خاكی عێراقی دەزانن.

بەشیر حەداد لە راگەیەندراوێكدا، لەبارەی هێرشەكانی سوپای توركیا بۆ سەر خاكی هەرێمی كوردستان دەڵێت: بە توندنی ئیدانەی ئەو هێرش و پەلامارانەی سوپای توركیا بۆسەر خاكی هەرێمی كوردستان دەكەین و دوپاتی دەكەینەوە ئەوە پێشێل كردنی سەروەری خاكی عێراقە و پێویستە لە سەر حكومەتی فیدراڵ بەزووترین كات داوا لە دەوڵەتی توركیا بكات ئەو هێرشانە رابگرێت، تاوەكو لەوە زیاتر هاوڵاتیانی بێ تاوان نەبنە قوربانی.

ناوبراو داوا لە هەریەكە لە دەوڵەتی توركیا و پارتی كرێكارانی كوردستانیش دەكات، كێشەكانیان لە رێگەی گفتوگۆ و لەسەر مێزی دانوستاندن چارەسەر بكەن.

ئەوەشیوتووە، خاكی هەرێمی كوردستان و عێراق گوڕەپانی چالاكی و پێكدادانی نێوان ئەو دوو هێزە نییە و ئەزموونی ساڵانی رابردووش سەلماندوویەتی هیچ كام لە دوو هێزە ناتوانن بە شەڕ ئەوەی دەیانەوێت بە دەستی بهێنن.

ئەو راگەیەندراوەی جێگری دووەمی سەرۆكی پەرلەمان دوای ئەوەهات كە دوێنێ لە ئەنجامی هێرشەكانی توركیا پێنج هاوڵاتی شیلادزێ شەهیدبوون.

كۆمێنتی خۆت جێبێلە

هەواڵی تر

کازمی پارتێکی سیاسی دادەمەزرێنێت

مستەفا کازمی سەرۆکوەزیرانی عێراق پارتێکی سیاسی دادەمەزرێنێت و سەرۆکایەتی کردنیشی بە یەکێک …