14/03/2020

سەرۆك كۆمار پیرۆزبایی لە سابیئەی مەندائین کرد بەبۆنەی جەژنی خەلیقە

برادۆست میدیا

سەرۆك كۆمار د. بەرهەم ساڵح ئەمڕۆ شەممە ٢٠٢٠/٣/١٤ پیرۆزبایی لە سابیئەی مەندائین كرد بەبۆنەی جەژنی خەلیقە جەژنی برۆنا.

ئەمەش دەقی پیرۆزبایەكەیە:

گەرمترین و جوانترین پیرۆزبایی لە تەواوی خۆشک و براکانمان لە سابیئەی مەندائین دەكەین بەبۆنەی جەژنی خەلیقە جەژنی برۆنا.

فرە ئاینی و شارستانیەتی لە وڵاتەكەماندا سەرچاوەیەكە لە سەرچاوەكانی هێز، هەر وەك ئاماژەیەكە بۆ پەیوەست بوونی كۆمەڵگەكەمان بۆ بەها رەسەنەكان لە پێكەوەژیان كە بۆ چەندین دەیەیە بەردەوامە بە درێژایی جوگرافیای نیشتمانەكەمان.

بە یەكڕیز و پەیوەست بوونمان و هەوڵەكانمان، هەمووان پێكەوە دەگەین بە ئامانجە هاوبەشەكانمان، داواكاری رەوای گەلەكەمان دێنینە دی و چاكسازی بەڵێندراویش جێ‌ بەجێ‌ دەكەین، هیچ بژاردەیەكی تر نییە لە پێشمان تەنیا دەستگرتن نەبێت بە یەكڕیزی نیشتمانیمان و چەسپاندنی برایەتی و لێبوردن و هاوكاری بۆ بونیادنانی عێراق لەسەر بنەمای ئازادی و یەكسانی و بەهای دادپەروەری و دیموكراسی، هەروەها لە پێناو دەستەبەركردنی داهاتوویەكی باشتر بۆ نەوەكانی داهاتوومان.

بەشداری ئێوە لەگەڵ براكانتان لە رۆڵەكانی گەلەكەمان بەرز دەنرخێنین لە دەوڵەمەندنكردنی كەلتوری شارستانی و رۆشنبیری وڵاتەكەمان.

جەژنتان پیرۆزبێت، هەموو ساڵێك ئەم جەژنە بۆ ئێوە و بۆ تەواوی گەلی عێراق بەخێر و ئاشتی و خۆشگوزەرانی بگەڕێتەوە.

هەموو ساڵێكتان بەخۆشی بێت.

د. بەرهەم ساڵح
سەرۆك كۆمار

كۆمێنتی خۆت جێبێلە

هەواڵی تر

کازمی پارتێکی سیاسی دادەمەزرێنێت

مستەفا کازمی سەرۆکوەزیرانی عێراق پارتێکی سیاسی دادەمەزرێنێت و سەرۆکایەتی کردنیشی بە یەکێک …