27/05/2019

قوتابییه‌كی كۆلێژی ئه‌ندازیاری زانكۆی سه‌لاحه‌دین به‌ ڕووداوی هاتووچۆ گیانی له‌ده‌ست دا

برادۆست میدیا ـ هەولێر

شەوی ڕابردوو كاتژمێر ۱:۳۰ خوله‌ك قوتابیه‌كی كۆلێژی ئه‌ندازیاری زانكۆی سه‌لاحه‌دین لەسەر ڕێگای كه‌سنه‌زان به‌ هۆی ڕووداوی هاتووچۆوه‌ گیانی له‌ده‌ستدا.

مه‌حموود دڵشاد قوتابی قۆناغی دووه‌می كۆلێژی ئه‌ندازیاری به‌شی به‌نداو و سه‌رچاوه‌كانی ئاوی زانكۆی سه‌لاحه‌دین به‌مه‌به‌ستی خۆئامادەکردن بۆ تاقیکردنەوەی کۆتایی ساڵ له‌گه‌ڵ هاوڕێكانی چووه‌ته‌ ده‌ره‌وه‌، کەوا بڕیاربوو ئەمڕۆ دووشەمە ۲۷ی ئایار تاقیكردنه‌وه‌كا ئەنجام بدرێت، له‌كاتی په‌ڕینه‌وه‌ی له‌ شه‌قام ئۆتۆمبیلێك خۆی پێدا ده‌كێشێت و به‌هۆیه‌وه‌ گیان له‌ده‌ست ده‌دات.

شایه‌نی باسه‌ شۆفێری ئۆتۆمبێلەکە خاوه‌ن پێداویستی تایبه‌ته‌ و ده‌ستێكی نییه‌ و ئێستاش له‌لایه‌ن هێزه‌كانی پۆلیسه‌وه‌ دەستگیرکراوە.

کۆچی دوایی مەحموود ته‌واوی هاوڕێ و قوتابی و هاوپۆله‌كانی دڵگران کردووە و بۆ مه‌رگی كاره‌ساتباری ناوبراو ماته‌م دەگێڕن.

 

 

كۆمێنتی خۆت جێبێلە

هەواڵی تر

فۆتۆگرافەرێکی کورد لە ئەلمانیا کارێکی ناوازە ئەنجام دەدا

برادۆست میدیا ڕەوەند جەواد فۆتۆگرافەر خەڵکی هەولێرە ماوەی پێنج ساڵە لە وڵاتی ئەڵمانیایە سە…