28/08/2019

سەرۆكی فەڕەنسا و بەرازیل لەسەر ژنەكانیان دەیكەن بە شەڕ

برادۆست میدیا

رەخنەکانی سەرۆكی بەرازیل دەربارەی روخساری هاوسەری سەرۆكی فەڕەنسا كێشە لە نێوان هەردوو سەرۆكدا دروست دەكات.

لێدوانەکانی ئيمانوێل ماكرۆن سەرۆكی فەڕەنسا لە میانی كۆبوونەوەی لوتكەی G7 دا دەربارەی مەترسیی ئەو ئاگرە گەورەیەی كردەوە كە لە دارستانەكانی ئەمازۆن لە بەرازیل كەوتووەتەوە، كاردانەوەی لێكەوتەوە.

هاوڵاتیەکی بەرازیلی لە رێی تۆڕی كۆمەڵایەتی فەیسبووكەوە بابەتێكی لەسەر ئەو هەڵوێستەی ماكرۆن بڵاوكردەوە و تێیدا هاوسەرە ٦٦ ساڵەكەی سەرۆكی فەڕەنسای لەگەڵ هاوسەرە گەنجە ۳۷ ساڵەكەی سەرۆكی بەرازیل بەراورد كرد و نووسیویەتی،” پێدەچێت بەو هۆیەوە بووبێت كە ماكرۆن رقی لە سەرۆكی بەرازیلە”.

لە هەڵوێستێكی چاوەڕوان نەكراویشدا دەركەوت كە ئەو نووسینە بە دڵی جاییر پولسونارۆ سەرۆكی بەرازیل بووە، بۆیە بە گاڵتەپێكردنەوە كۆمێنتێكی لەسەر بابەتەكە نووسیوە و دەڵێت، “كایرا (ماكرۆن) سەرشۆڕ مەكەن ها ها ها”.

هەڵوێستەكەی سەرۆكی بەرازیل نیگەرانی و ناڕەزایی سەرۆكی فەڕەنسای لێكەوتەوە، ئیمانوێل ماكرۆن لەوبارەیەوە رایگەیاند،” ژنانی بەرازیل هەست بە شەرمەزاری دەكەن و كۆمێنتەكەشی بێڕێزییەكی گەورەیە”.

ماكرۆن هیواشی خواست خەڵكی ببنە خاوەنی سەرۆكێك كە شایستەی وڵاتەكەیان بێت.

كۆمێنتی خۆت جێبێلە

هەواڵی تر

ئەمڕۆ ئەمەریکا سزا بەسەر 24 کەس و لایەندا دەسەپێنێت کە بازرگانی چەکیان لەگەڵ ئێراندا کردوە

بەرپرسێکی باڵای ئەمەریکا ئاشکرای دەکات، ئەمڕۆ دووشەممە واشنتن سزا بەسەر زیاتر لە 24 کەس و …