25/01/2020

سەرۆککۆماری عێراق و سەرۆکوەزیرانی ئێتاڵیا کۆبوونەوە

برادۆست میدیا ـ رۆما

درەنگای ئێوارەی دوێنێ هەینی، ۲٤ی کانوونی دووەمی ۲۰۲۰، بەرهەم سالح سەرۆککۆماری عێراق چاویکەوت بە سەرۆک وەزیرانی ئیتاڵیا جۆزیبی کۆنتی.

لە دیدارەکەدا هەردوو سەرۆک تاوتوێی دۆخی ناوچەکە و جیهان و قەیرانەکانی ناوچەکە و بڕیاری ئەنجومەنی نوێنەرانی عێراق، سەبارەت بەکشانەوەی هێزە بیانییەکان لە عێراق و گرنگی پشتیوانی لە سەقامگیری و ڕێزگرتن لە سەروەری وڵات و سەربەخۆیی بڕیاری سیاسی عێراق کرا.

سەرۆکی عێراق جەختی لە پەرۆشی عێراق بۆ بەستنی پەیوەندییەکی هاوسەنگ کە بریتی بێت لە پێشخستنی بەرژەوەندی باڵای نیشتمانی دور لە سیاسەتی سەپاندنی بڕیار و ئیرادەی دەرەکی و ڕێزگرتن لە سەروەری و سەقامگیری بەپێی بەرژەوەندییە هاوبەشەکانی نێوان عێراق و وڵاتانی دۆست و دراوسێ و هاوبەشە نێودەوڵەتییەکان کردەوە، هاوکات روونیشیکردەوە کە چەسپاندنی ئاسایش و سەقامگیری عێراق بەهەنگاوێکی یەکلاکەرەوە دادەنرێت بۆ بنەبڕکردنی توندوتیژی و ململانێکان کەزیان بەهەموو لایەک دەگەیەنێت.

ھەروەھا سەرۆك کۆمار ئاماژەی کرد بە پێویستی بەهێزکردنی پەیوەندییە دوو قۆڵییەکان، بەجۆرێک کە خزمەت بە بەرژەوەندییەکانی هەردوو وڵات بکات، هاوکات ڕۆڵی گرنگی ئیتاڵیای بۆ پشتیوانی عێراق لە بوارە جیاجیاکاندا بەرزنرخاند.

لەلای خۆیەوە سەرۆک وەزیرانی ئیتاڵیا، پەرۆشی وڵاتەکەی بۆ پشتیوانی لە سەروەری و سەقامگیری عێراق دەربڕی، هاوکات جەختی لە پێویستی زیادکردنی هەوڵە نێودەوڵەتییەکان کردەوە بۆ چەساندنی ئاشتی و ڕێگرتن لە ئاڵۆزبوونی دۆخی ناوچەکە، هەروەها ئاماژەیشی بە گرنگی بەردەوامی هەماهەنگی لە جەنگی دژی تیرۆر و ڕێگانەدان بە دووبارە دروست بوونەوەی هەڕەشەی تیرۆر بۆ سەر گەلانی ناوچەکە کرد.

شایانی باسە کە سەرۆک کۆمار، ئەمڕۆ گەیشتە ئیتاڵیا پاش کۆتایی هاتنی کارەکانی کۆڕبەندی ئابووری جیهانی لەداڤۆس.

كۆمێنتی خۆت جێبێلە

هەواڵی تر

ئەمڕۆ ئەمەریکا سزا بەسەر 24 کەس و لایەندا دەسەپێنێت کە بازرگانی چەکیان لەگەڵ ئێراندا کردوە

بەرپرسێکی باڵای ئەمەریکا ئاشکرای دەکات، ئەمڕۆ دووشەممە واشنتن سزا بەسەر زیاتر لە 24 کەس و …