09/01/2019

وەزارەتی گواستنەوە و گه‌یاندن هۆشداری دەداتە کۆمپانیاکانی ئینتەرنێت

وەزارەتی گواستنەوەو گەیاندنی حكومه‌تی هەرێمی كوردستان رایگەیاند، هێڵەكانی ئینتەرنێت لە شەواندا خاودەبنەوە،  بۆ چاره‌سه‌ركردنی ئه‌و گرفته‌ش کۆمپانیاکانی  ئینتەرنێت ئاگاداردەكاتەوە.

ئومێد محەمەد، وتەبێژی وەزارەتی گواستنەوەو گەیاندنی حكومه‌تی هەرێمی كوردستان لە راگەیەندراوێکدا رایگه‌یاند، “خاوبوونەوەی هێڵەكانی ئینتەرنێت لە شەواندا بەشێكی پەیوەندیی بەگرفتی تەكنیكی كۆمپانیاكانەوە هەیە، بۆ ئەو مەبەستەش پێویستە بەشداربووان ئاگادارمان بكەنەوە بۆ ئەوەی لێپرسینه‌وه‌ لەگەڵ كۆمپانیاكان بكەین”.

ئاماژەی بەوەشکردووە، بەشێكی هێڵەكانی ئینتەرنێت لەڕێی سیستمی بێسنورەوە خزمەتگوزارییەكان دەگەیەننە بەشداربوانیان و بەشێكی دیكەیان لە ڕێگەی سیستەمی ADSL و WI-FI و ئه‌و سیستمەی دوایی تارادەیەك خاوبوونەوەی هه‌یه‌.

وتەبێژی وەزارەتی گواستنەوەو گەیاندن راشیگەیاندووە، هەر كۆمپانیایەكی بواری ئینتەرنێت ئەگەر پابەند نەبوو بە چاكسازی لە تۆڕەكانی گەیاندنی خزمه‌تگوزاری ئینتەرنێت بۆ بەشداربووانی ئەوا رێوشوێنی یاسای له‌ به‌رامبه‌ری دەگیردرێتەبەر تاوەکە ده‌گاته‌ ئاستی سزادانیان.

كۆمێنتی خۆت جێبێلە

هەواڵی تر

ترامپ، تیک تۆک لە ئەمریکا قەدەغە دەکات

بڕیار وایە ئەمڕۆ شەممە ۱ی ٨ی ۲۰۲۰، دۆناڵد ترامپ-ی سەرۆکی ئەمریکا، یاسایەک واژۆبکات کە تیاد…